Iniciativa “Tomando as rendas”

O Concello de Sarria en colaboración coa Rede CeMIT pon en marcha o proxecto "Tomando ás rendas", unha iniciativa sobre o fomento do autoemprego e o emprendemento entre as mulleres de zonas rurais.

Unha serie de servizos que che facilitarán a posta en marcha do teu negocio, como formación presencial en capacitación dixital impartida na aula CeMIT e módulos de formación online sobre Plans de empresa a través da plataforma www.tomandolasriendas.es, para que aprendas todo o que tes que saber como emprendedora e sobre as novas tecnoloxías.

Ademais, terás á túa disposición unha asesora que te acompañará no proceso de posta en marcha do teu negocio e axudarache a resolver as túas dúbidas.

Recibirás asesoramento á hora de pedir un microcrédito para que obteñas o financiamento necesaria para o teu negocio.

A iniciativa conta cunha charla o día 5 de Xullo que ten como obxectivo achegar a realidade do mundo da empresa ás usuarias, e analizar o proceso que media entre a motivación, a xeración dunha idea e a súa conversión en empresa, destacando a importancia de elaborar un plan de viabilidade e dando a coñecer as ferramentas e axudas que teñen á súa disposición os emprendedores galegos.

"Tomando ás rendas” é un proxecto da Fundación para o Desenvolvemento Infotecnolóxico de Empresas e Sociedade (Fundetec), en colaboración coa Xunta de Galicia, Plataforma Enlaces e a Federación Deglobé, e enmarcado no Subprograma Avanza Ciudadanía Dixital do Ministeriode Industria, Enerxía e Turismo.

Obxectivo

Aumentar a túa calidade de vida e conseguir xerar autoemprego a través da creación e fortalecemento de microempresas.

A quen vai dirixido?

A todas as mulleres de 25 a 45 anos que queiran ver realizado o seu sono: montar o seu propio negocio.

Que ofrecemos?

Formación, asesoramento personalizado, seguimento do teu proxecto... co apoio incondicional dunha asesora/dinamizadora a través de Internet.

En que asesoramos?

Dende a conceptualización da idea ata a posta en marcha dunha empresa, é dicir, en todo o proceso.

Inscrición

PARA INSCRIBIRSE NA INICIATIVA, REALICE OS SEGUINTES PASOS:

Rexístrate como usuaria da Rede CeMIT na aula de Sarria e solicita a adhesión ao programa, antes do 18 de xuño.
Poderás rexistrarte como usuaria a través de dúas vías: Preinscríbete a través da web http://cemit.xunta.es (a aplicación de inscrición só é compatible cos exploradores Mozilla Firefox e Google Chrome). Ou cubrindo o formulario que figura un pouco máis abaixo.

Realizada a prescrición, debes chamar ao teléfono 981 552 568 e concertar cita para pasar pola túa aula CeMIT e finalizar o teu rexistro como usuaria da rede. Tamén poderás facer directamente a inscrición acudindo persoalmente a aula CeMIT situada na planta 0 da Casa da Cultura de Sarria (c/Marques de Ugena s/n)
Cando finalices o teu proceso de inscrición na aula, formaliza co/coa axente TIC a túa adhesión na iniciativa “Tomando as rendas”.

Poderás solicitar máis información sobre a iniciativa enviando un correo electrónico á dirección Este enderezo de correo-e está a ser protexido de robots spamers, precisas activar o JavaScript para velo . Enviarémosche un documento informativo no que se explica máis detidamente os contidos e fases do proxecto.

Talleres

Como crear o teu plan de empresa: unha guía con toda a información para crear, paso a paso, unha empresa de éxito.
Taller económico - financeiro: leva as contas financeiras ao día, o balance, a tesouraría...
Taller de mercadotecnia: estuda o mercado antes de entrar nel.
Técnicas de dirección e venda: como planificar, organizar, adecuar, dirixir e controlar a túa empresa.
Recursos humanos: estratexias para seleccionar, formar e motivar os teus empregados.

Folleto iniciativa Tomando as rendas

< Anterior		Seguinte >