Galician English French German Spanish
Inicio
24 | 09 | 2017
Selecciona el título de una noticia de la lista siguiente para leerla.

Seminario BIG DATA: analistas e científicos de datos

{xtypo_rounded2}Centro de Novas Tecnoloxías de Galicia

BIG DATA: analistas e científicos de datos. Roles, funcións e tecnoloxías

Organizado polo Centro de Novas Tecnoloxías de Galicia (CNTG) da Consellería de Economía, Emprego e Industria, o día 12 de maio de 2016, de 9:30 a 13:30 horas, terá lugar nas instalacións do CNTG un seminario sobre o papel dos analistas e científicos de datos na contorna big data, no que se tratará sobre os roles e funcións que desempeñan e as tecnoloxías aplicables (no seminario utilizarase como referencia a tecnoloxía Cloudera).

O termo big data referencia a necesidade de xestionar, almacenar e procesar cantidades masivas de datos en sistemas e almacenamentos dispares, onde as bases de datos relacionais non cobren as necesidades e requirimentos propios deste contexto e onde os datos están distribuídos nunha gran diversidade de formatos, tipos e/ou fontes de datos. Dispor desta capacidade de procesamento permite ás organizacións non só analizar estatísticas do que ocorreu, senón tamén predicir que vai ocorrer e que se vai necesitar para facer fronte a esas expectativas

O auxe do desenvolvemento de proxectos big data estandarizou a aparición de novos roles profesionais entre os que dous deles, analista e científico de datos, destacan actualmente como perfís con alta demanda de emprego cualificada nunha contorna tecnolóxica onde o paro practicamente non existe e a procura de perfís relacionados coa análise estratéxica e o tratamento de datos supera claramente á oferta dispoñible.

O obxectivo deste seminario consistirá en trasladar aos asistentes cales son os roles e funcións propias destes perfís profesionais así como dar a coñecer de que tecnoloxías dispoñen para pode realizar o seu labor.

Contidos a tratar:

  1. Apache Hadoop
    1. Que é?
    2. Fundamentos e motivación
  2. Roles big data
    1. Quen é quen?
    2. Analista de datos big data
    3. Científico de datos big data
  3. Ferramentas para o analista
    1. Pig
    2. Hive
    3. Impala
    4. HUE
    5. Zeppelin
    6. Ferramentas BI
  4. Ferramentas para o científico
    1. Spark SQL
    2. Spark MLlib
  5. Caso práctico: estudo e análise dun conxunto de datos

O relator da xornada será Miguel Ángel Jiménez, instrutor oficial de Cloudera con máis de 10 anos de experiencia no desenvolvemento e definición de arquitecturas JavaEE e actualmente especializado como formador e consultor no eido do big data.

Ler máis...
  Compartir
<< Inicio < Anterior 1 2 3 4 5 6 7 8 9 10 Seguinte > Final >>

JPAGE_CURRENT_OF_TOTAL
Cartel

Utilizamos cookies propias e de terceiros para mellorar os nosos servizos mediante a análise dos seus hábitos de navegación. Pode cambiar a configuración ou obter máis información aquí: Política de cookies.

Acepto cookies para este sitio