Aberto ata o 10 de abril de 2014 o prazo de inscrición para as probas de avaliación en competencias claves que convoca a Consellería de Traballo e Benestar. Estes exames están dirixidos ás persoas que non posúan os requisitos académicos requiridos para acceder ás accións formativas dos novos certificados de profesionalidade.

As/os interesadas/os poderán tramitar a súa solicitude no departamento de orientación laboral do Centro de Información á Muller (CIM), situado na Casa do Marqués, rúa Matías López, 33.

As probas previse que terán lugar no Recinto Feiral de Silleda o día 24 de maio e serán para os niveis 2 e 3. En concreto, para catro competencias ou materias:  matemáticas, lingua castelá lingua galega e lingua extranxeira (inglés).

A posta en marcha desta iniciativa responde á renovación que se vén realizando nos últimos anos en toda a oferta de formación para o emprego, en base aos novos certificados de profesionalidade. Unha das principais novidades que introducen é a de esixir uns requisitos de acceso para o alumnado, de xeito que aseguren que contan cunha formación mínima para seguir con aproveitamento a acción formativa na que participan.

Toda a información que se precise ao respecto destas probas pode consultarse na web da Consellería de Traballo e Benestar http://traballo.xunta.es/portada-competencias-clave, ou ben no departamento de orientación laboral do CIM en horario de 9:00-14:30 horas.

Correo electrónico:

Centro de Información á Muller

Horario e Ubicación:

De luns a venres de 09:00 a 15:00 horas.  Matías López 33. Casa do Marqués. 27600 Sarria. (Lugo)

Tfno: 982 53 50 61    Fax: 982 53 50 16