O Concello de Sarria e a entidade Foro de Formación e Edicións asinaron un convenio que permitirá a formación gratuíta e en liña de traballadores, incluídos os autónomos e os que se atopen en situación de Erte ou Ere.

Os cursos están destinados aos traballadores dos sectores ambiental; gran distribución; agricultura; gandería; alimentación e sector químico. Destacar que ao ser virtuais adáptanse aos horarios de todos os traballadores, sempre que se finalicen dentro da data final.

Estos cursos, que dan a posibilidade de formarse gratuitamente, complementan a formación laboral e poden significar a porta a novas oportunidades laborais, veñen da man do Servizo Público de Emprego Estatal ( SEPE) e da Fundación Estatal para a Formación no Emprego ( Fundae).

Listaxe de cursos dispoñibles Foro de Formación Febreiro 2021

Os interesados deberán chamar por teléfono e contactar co axente de emprego local (982-535000).