O Concello de Sarria, como xa puxo de manifesto o pasado domingo con ocasión da celebración da última etapa de O Gran  Camiño, súmase á solidariedade mundial a favor de Ucraína e súmase á iniciativa da  Federación Galega de Municipios e Provincias, que nos fixo chegar indicacións e instrucións das que agora vos facemos partícipes para que toda a axuda que podamos brindar sexa efectiva:

1. Debido á imposibilidade de asegurar unha correcta distribución do material humanitario que se está a recoller, aconséllase reservalo para ser distribuído entre a poboación ucraína que se acolla na nosa Comunidade, en tanto non se reciban outras indicacións.
2. A Secretaría de Estado de Cooperación Internacional traslada as seguintes vías de canalización de aportacións económicas a ONG e organismos internacionais despregados no terreo:

• • • Coordinadora española de ONGD
    • Cruz Roja internacional
    • Fondo humanitario para Ucrania de las Naciones Unidas
    • ACNUR

Se ademais destas contribucións algún cidadán conta con recursos habitacionais quere ou pode participar mediante acollida en familias pode chamar ao concello (982535000).