Este venres 31 de octubr recibimos a visita oficial do Presidente da Diputación de Lugo, D. José Ramón Gómez Besteiro ,da Directora Xeral de Protección Civil , Doña Esther Gonzalez Saavedra, e o Delegado Provincial de Lugo da Consellería de presidencia, D. Luís Edrosa , para anunciar que este xoves 30 adxudicouse o proxecto do parque de bombeiros da comarca de Sarria, cun prazo de finalización de 12 meses e un presuposto de 776.780,40€ .

Por outra parte a Xunta de Goberno Local na sesión celebrada este venres 31 de outubro concedeu a licencia de construcción o proxecto do parque de bombeiros da comarca de Sarria.

Culmínase así o proceso iniciado en setembro de 2007 cando a Deputación de Lugo e a Consellería de Presidencia adquiriron o compromiso de formar o Consorcio de Parques de Bombeiros de Lugo e decidiuse a ubicación para o Parque de Bombeiros de Sarria , a partir do cal o Concello iniciou os trámites administrativos necesarios para a cesión dos terreos ubicados no campo da feria que culminou coa cesión definitiva aprobada na sesión ordinaria do pleno do 27 de marzo de 2008.

Súplese con esta adxudicación unha das demandas históricas máis importantes dos ciudadáns de Sarria e a súa comarca en canto a calidade de vida e seguridade dos mesmos.